​​​​​​​​​​​​​​​​​​​​​​​​ABEren bilakaera. Hileko aurrerapena

Batez besteko intzidentzia

2026ko abuztura arte 31,47 baja erregistratu ziren 100 langileko, hau da, 2025eko aldi berean baino -%5,38 gutxiago.

Aldi horretan laneko bajen batez besteko intzidentzian izandako jaitsieraren azalpena bi kontingentzietan ikusitako beheranzko portaera da. Kontingentzia arruntengatiko bajen intzidentzia 29,09 baja izan zen 100 langileko, -%5,09ko murrizketa izanik 2025eko urtearen aldean, eta kontingentzia profesionalek 2,38 baja erregistratu zituzten 100 langileko, hau da, %8,81 gutxiago aurreko urteko aldi beraren aldean.

ABEren indizea

ABE indize osoa, 2026ko abuztura arte, 6,07 baja-egunekoa izan zen kotizatutako 100 egun bakoitzeko. Zifra horrek %3,23ko igoera esan nahi du 2025eko aldi beraren aldean. 

Gorakada hori kontingentzia arruntengatik izan zen, horren ABE indizea 5,63 izan baitzen, %4,26 gehiago 2025. urtekoarekin alderatuta.

Aitzitik, kontingentzia profesionalengatiko ABE indizea 0,44 izan zen; Horrek esan nahi du -%8,33ko murrizketa izan dela 2025. urtearekin alderatuta.

Urteko zortzi hilabete hauetan, beraz, bi adierazle horiek (batez besteko intzidentzia eta ABE indizea) erakusten digute ezen, kontingentzia arruntagatiko baja medikoek behera egin duten arren, kontingentzia horren ondoriozko baja-egunek gora egin dutela aurreko urteko aldi berarekin alderatuta. Hau da, kontingentzia arrunteko baja gutxiago, baina iraupen luzeagokoak. Kontingentzia profesionalari dagokionez, bajak eta horien iraupena murriztu egin ziren.

Diagnostiko-taldeak

Hasitako baja gehien izan zituen diagnostiko-taldea nahasmendu muskulu-eskeletikoekin (NME) lotutako patologiena izan zen, baja guztien %22,28 izan baitziren. Ondoezekin eta sintomekin lotutako patologiek jarraitzen die, baja guztien %12,67 izan ziren-eta.

Bajen iraupena

Sortutako baja-egun guztiei dagokienez, nahasmendu muskulueskeletikoak (NME) izan ziren inpaktu handiena izan zuen taldea, guztizkoaren %34,38a, hain zuzen. Horien atzetik, buruko eta portaera-nahasmenduak (BPN) izan ziren, %17,49ko ehunekoarekin.

​Lagina

Azterketa aldi baterako ezintasuneko 1.045.229 prozesuren gainean egin da, guztira 49.004.479 baja-egun sortu zituztenak aldi horretan.